«Қазақтелеком» ұлттық бейнемониторинг жүйесінің операторы болып белгіленді

Қаулы 2026 жылғы 23 қазаннан бастап заңды күшіне енеді.  

Елімізде ұлттық бейнемониторинг жүйесінің жұмыс істеуіне жауапты ұйым ресми түрде анықталды. Ол – "Қазақтелеком" АҚ. Қазақстан Республикасы Үкіметінің 2026 жылғы 9 қазандағы тиісті қаулысы ресми дереккөздерде жарияланды.

«Қазақтелеком» акционерлік қоғамы ұлттық бейнемониторинг жүйесінің операторы болып белгіленсін, – делінген құжат мәтінінде.

Елдегі ең ірі телекоммуникациялық операторға мұндай мәртебе «Киберқауіпсіздік туралы» Қазақстан Республикасының Заңына сәйкес берілген.