Қазақстанның Елшісі Пәкістанның Қаржы басшысымен кездесті

Қазақстанның Пәкістандағы Елшісі Е.Қыстафиннің Пәкістанның Қаржы, кірістер, экономикалық мәселелер, статистика және жекешелендіру федералды министрі Шамшад Ахтар ханыммен кездесуі өтті.

Кездесу барысында Елші Қазақстан мен Пәкістанның екіжақты қарым-қатынастарының ағымдағы жай-күйі туралы, сондай-ақ сауда-экономикалық, инвестициялық, қаржылық және көліктік-логистикалық ынтымақтастықты дамытуға бағытталған іс-шаралар туралы хабардар етті.

Өз тарапынан Шамшад Ахтар ханым Қазақстанның Пәкістан үшін маңыздылығын атап өтіп, елдеріміз арасындағы ынтымақтастықты одан әрі арттыруға қызығушылық білдірді.

Сонымен қатар, Министрлік басшысы үкіметтік делегациясымен сауда-экономикалық, ғылыми-техникалық және мәдени ынтымақтастық жөніндегі Қазақстан-Пәкістан үкіметаралық комиссиясының 12-ші отырысын өткізу үшін Қазақстанға келуге дайындығын растады.