Қазақстанға миллиард теңгенің алтынын заңсыз кіргізбек болған ер адам ұсталды

Нұр-Сұлтан, BAQ.KZ. 4 сәуірде елорда әуежайында Ыстанбұл-Нұр-Сұлтан бағытындағы халықаралық әуе рейсінің жолаушыларына шекаралық бақылау жүргізу кезінде декларацияланбаған зергерлік бұйымдарды кіргізу әрекеті үшін ҚР азаматы ұсталды.

Ұлттық қауіпсіздік қызметінің мәліметінше, алтын бұйымдарының жалпы салмағы 34 кг-нан асты.

Ұсталған тауардың алдын ала құны 1 миллиард теңгеден асады.

Бұл жағдай Қылмыстық кодекстің 234-бабы 1-бөлігі (аса ірі мөлшердегі экономикалық контрабанда) бойынша тіркелді.

Ұсталған азамат пен алтын бұйымдар ҚР ҚМА Нұр-Сұлтан қаласы бойынша экономикалық тергеу департаментіне тапсырылады.