Қазақстандықтар қандай телефонды көп сатып алатын болған

Қазақстандағы ең танымал ұялы телефон бренді Apple екені белгілі болды, деп хабарлайды BAQ.KZ тілшісі.

Биыл ақпанның соңында GlobalStats мәліметінше, Қазақстандағы ең танымал ұялы телефон бренді Apple екені белгілі болды. Apple брендтің үлесі 35,47% болды.

Одан кейін 22%-бен Samsung. Айта кетейік, Apple 2023 жылдың қыркүйегінен бастап Samsung-тан сенімді түрде озып келеді және бұл екі бренд Қазақстан нарығының жартысынан көбін алып жатыр, - деп жазды ranking.kz.

Үздік бестікке сондай-ақ қытайлық Xiaomi (16,57%), Oppo (5,84%) және Vivo (3,5%) брендтері кірді. Сонымен қатар, 6-дан 9-ға дейінгі орындарды да қытайлық брендтер — Huawei, Realme, OnePlus және Tecno алып тұр, олардың жалпы үлесі 3,81%. Бұл ретте белгісіз брендтер жалпы саны 11,09%, басқалары — 3,6%.

Әлем бойынша танымал брендтер ондығында жоғарыдағылардың барлығы бар, Tecno-ны қоспағанда. Оның орнына, Motorola 2024 жылдың ақпан айының соңында 2,07% нарық үлесімен үздік ондыққа кірді.

Apple және Samsung компаниялары да әлемдік нарықтың жартысынан көбін алады, бірақ Қазақстанға қарағанда Apple әлемде мұндай басым жағдайға ие емес, ол кореялық бәсекелесінен бар болғаны 4,07 пайыздық тармаққа озып тұр: тиісінше 27,84% және 23,77%. 3-5-ші орындарды Xiaomi (11,74%), Oppo (6,3%) және Vivo (5,12%) иеленді.

Yahoo Finance мәліметінше, 2023 жылғы барлық уақыттағы ең танымал ұялы телефон (2021 жылдан кейін шыққан үлгілерді қоспағанда) әлем бойынша 250 млн дана сатылған аты аңызға айналған Nokia 1100. Екінші орынды осы фин брендінің тағы бір моделі иеленді — Nokia 1110: 248 млн дана. Үздік үштікті 2014 жылы шығарылған Apple iPhone 6 / 6Plus аяқтады, оның сатылымы 222 млн дананы құрады, оның бір себебі 2017 жылы Үндістан мен Қытай нарықтарында үлкен танымалдылыққа ие болып қайта шығарылуы.

Барлық уақыттағы ең танымал 10 ұялы телефонның қатарына Apple смартфондарының төрт желісі (iPhone 6S / 6S Plus, iPhone 5S, iPhone 7 / 7 Plus, iPhone 11 / 11 Pro / 11 Pro Max және iPhone XR / XS / XS Max), сондай-ақ екі Nokia моделі (105 сериясы және 3210) кірді.

Canalys соңғы деректеріне сәйкес, былтыр ең көп сатылған телефондар iPhone 14 Pro Max және iPhone 15 Pro Max болды: тиісінше 34 млн және 33 млн дана. Сонымен қатар, 3-тен 5-орынға дейін Apple смартфондары — iPhone 14, iPhone 14 Pro және iPhone 13 кірді. Айта кету керек, барлық серияны бағалаған Yahoo Finance рейтингінен айырмашылығы, Canalys рейтингке әрбір үлгілік модельді жеке есептеген.

Apple смартфондарынан басқа, 2023 жылдың ең танымал 10 телефонына Samsung-тың үш моделі кірді — Galaxy A14 4G, Galaxy A54 5G және Galaxy A14 5G.

2023 жылдың соңында Samsung 2010 жылдан бері алғаш рет смартфондар нарығындағы көшбасшылығын Apple-ге берген болатын.