Қазақстандықтар Өзбекстанда тіркеусіз 30 күнге дейін бола алады

Қазақстан мен Өзбекстан Ішкі істер министрлігі Қазақстан Республикасының Үкіметі мен Өзбекстан Республикасының Үкіметі арасындағы Азаматтардың өзара сапарларының шарттары туралы келісімге өзгерістер енгізу туралы хаттама дайындады, деп хабарлайды BAQ.KZ тілшісі.

Жобаның мақсаты-мемлекеттік шекарадан өткен сәттен бастап 30 тәулікке дейін мемлекет азаматтарының болуы үшін қолайлы жағдайлар жасау.

Құжатта, егер бір тарап мемлекеті азаматтары болған кезеңде, олардың жеке басын куәландыратын және азаматтығын растайтын құжаттардың негізінде уақытша тұруға (уақытша тіркелу) рұқсатты ресімдемей, әрбір кезеңде күнтізбелік  180 (жүз сексен) күн ішінде жиынтығы күнтізбелік 90 күнде Тараптар мемлекетінің Мемлекеттік шекарасын кесіп өткен сәттен бастап күнтізбелік 30 (отыз) күннен аспаса, басқа Тарап мемлекетінің аумағы бойынша тұрақты тұратын жеріне қарамастан, кіреді. Шығады, транзитпен жүріп-тұрада делінген.

Қазіргі уақытта екі елдің азаматтары басқа мемлекеттің аумағында тіркеусіз бес күн ғана бола алады.

Бір мемлекеттің азаматы екінші мемлекетте 30 тәуліктен астам болған жағдайда, аталған азамат болатын Тарап мемлекетінің ұлттық заңнамасына сәйкес оның құзыретті органдарында уақытша тұруға рұқсат алуға (уақытша тіркеуге тұруға) міндетті, - делінген құжатта.

Сонымен қатар, кез келген көлік түрімен шекарадан өту кезінде көші-қон карточкаларын алу және ұсыну талабы құжаттан алынып тасталады.

Сондай-ақ, екі мемлекеттің азаматтары басқа мемлекеттің аумағында болған кезде оның ұлттық заңнамасын сақтауға міндетті деген түзету енгізіледі.