Қазақстандықтар өткен аптада алдыңғыға қарағанда көп қылмыс жасаған

ІІМ ресми өкілі Шұғыла Тұрлыбек ведомствоның апталық брифингінде елдегі криминогендік жағдай жайлы айтып берді.

Бір апта ішінде елде 2 830 қылмыс жасалды. Оның 1 715-і тәулік ішінде ашылды. Полиция қызметкерлері ізін суытпай 11 кісі өлтіруді, 6 өлімге әкеп соққан денсаулыққа қасақана ауыр зиян келтіруді, 1 қарақшылық, 31 тонау және 377 бөтен мүлікті ұрлау қылмыстарын ашты, - деді ол.

Еске сала кетейік, өткен аптада 2 647 қылмыс жасалған болатын.