Қазақстандық теннисшілер US Open турнирінің екінші айналымына шықты

Қазақстанның жұптық сындағы теннисшілері Анна Данилина мен Андрей Голубев Нью-Йоркте (АҚШ) өтіп жатқан «Үлкен дулыға» санатындағы биылғы соңғы турнир – US Open-нің екінші айналымына шықты, деп хабарлайды BAQ.KZ.

Анна Данилина британиялық Хизер Уотсонмен бірге турнирдің алғашқы айналымында америкалық теннисшілер Эмма Наварро мен Пейтон Стернсті екі сетте 6:2, 6:4 есебімен жеңді.

Ал ерлер арасында Андрей Голубев ресейлік Роман Сафиуллинмен бірге америкалық Александр Ковачевич пен Николас Мореноны 6:4, 6:3 есебімен жеңді.

Айта кетейік, жекелей сында қазір бұл турнирде Қазақстанның бірінші ракеткасы ғана бақ сынап жатыр. Оның үшінші айналымдағы матчы ертең, Астана уақытымен 2 қыркүйекте шамамен 07:00-де өтеді.