Қазақстандық теннисшілер ширек финалда

Қазақстандық теннисшілер ширек финалға шықты деп, хабарлайды BAQ.KZ тілшісі.

Андрей Голубев пен Александр Недовесов Аргентинада өтіп жатқан АТР-250 турнирінің ширек финалында өнер көрсетеді.  1/8 финал матчында қазақстандық жұп австриялық Александр Эрлер - Лукас Мидлер дуэтіне қарсы ойнап, 6:4, 6:4 есебімен жеңіске жетті. 1 сағат 11 минутқа созылған ойында отандастарымыз 6 эйс жасап, 2 қосарланған қателікке жол берді.

Ал, Францияда өтіп жатқан Шербур челленджер жарысының іріктеу сайыстарынан Денис Евсеев сәтті өтті. Әлемнің 307-ракеткасы Денис алдымен франциялық Константин Биттунды 6:3, 7:6 (7:4) есебімен жеңді. 

Іріктеу сайыстарының финалында Евсеев тағы бір отандасымыз, рейтингте 312-орында тұрған Бейбіт Жұқаевпен сайысқа түсті. Нәтижесінде  Евсеев 6:7 (4:7), 7:6 (8:6), 6:4 есебімен жеңіске жетті.

Әсел Әбілбек

Бөлісу:
Қысқа да нұсқа. Жазылыңыз telegram - ға

Фото: ҚТФ
Өзгелердің жаңалығы