Қазақстандық әйелдер 8 наурызға 7 864 теңге алады

Бұл бір реттік әлеуметтік төлемдер көпбалалы және мүгедіктігі бар аналарға арналған. Маңғыстау облысы әкімдігі 8 наурыз мерекесіне орай арнайы қаржылай көмек бөлді, деп хабарлайды BAQ.KZ Lada.kz-ке сілтеме жасап.

Кімдерге төлем беріледі?
Жергілікті атқарушы органдардың шешіміне сәйкес, арнайы марапаттары бар аналарға қаржылай қолдау көрсетіледі:

• "Алтын алқа" және "Күміс алқа" иегерлері;
• Бұрын "Батыр ана" атағына ие болғандар;
• "Ана даңқы" орденінің I және II дәрежелерімен марапатталғандар.

Әрқайсысына 2 АЕК (7 864 теңге) төленеді. Жалпы 12 686 әйелге 99,7 млн теңге бөлінген.

Сонымен қатар, мүмкіндігі шектеулі азаматтарға қосымша жәрдемақы қарастырылған. Оның мөлшері 5 АЕК (19 660 теңге), ал жалпы төлем көлемі 654,6 млн теңгені құрайды. Қаржылай көмек 33 300 адамды, оның ішінде ерекше қажеттіліктері бар балаларды қамтиды.

Қаражат қашан аударылады?

Жергілікті билік өкілдерінің мәліметінше, төлемдер Наурыз мерекесі қарсаңында жүргізіледі.