Қазақстандағы алтын, мыс және көмір қанша жылға жетеді?

Қазақстанның негізгі пайдалы қазбалармен қамтамасыз етілу мерзімі белгілі болды, деп хабарлайды BAQ.KZ. 

Қазақстан – табиғи ресурстарға бай ел болып қала береді.

Өнеркәсіп және құрылыс министрлігінің дерегіне сәйкес, қазіргі өндіру көлемін ескерсек, негізгі пайдалы қазбалармен қамтамасыз етілу мерзімі мынадай:

• Алтын — 30 жыл
• Мыс — 38 жыл
• Қорғасын — 156 жыл
• Темір кендері — 957 жыл
• Көмір — 350 жыл

Сол сияқты тұрақтылық марганец, титан, молибден және басқа да стратегиялық маңызды пайдалы қазбалар бойынша да байқалады.

Бұл – қазбаларды ұтымды пайдаланып, геологиялық барлау жұмыстарын жүйелі жүргізу арқылы Қазақстан өз ресурстық әлеуетін сақтап қана қоймай, жаһандық шикізат нарығындағы орнын одан әрі нығайта алады деген сөз.

Ресурстық база тұрақтылығы – инвестиция тартудың, тау-кен өнеркәсібін дамытудың және елдің экономикалық қауіпсіздігін қамтамасыз етудің негізгі тірегі.