Қазақстанда жастар арасында жиі кездесетін 6 ауру қандай?

Қазақстанда балалар арасында жиі кездесетін 6 ауру түрі аталды, деп хабалайды BAQ.KZ тілшісі.

Денсаулық сақтау министрлігі дерегіне сәйкес балалар мен жасөспірімдер санатындағы азаматтар арасында бірқатар ауру түрлері жиі кездеседі.

Қазақстанда жастар арасында ең көп тіркелетін аурулар қандай?

Респираторлық инфекциялар – жоғарғы тыныс жолдарының вирустық және бактериялық аурулары, оның ішінде тұмау мен пневмония;

Ас қорыту жүйесінің бұзылуы – гастрит, гастроэнтерит және басқа да асқазан-ішек аурулары. Мұның басты себебі – дұрыс тамақтанбау;

Аллергиялық аурулар – аллергиялық ринит, демікпе (астма), экзема;

Тірек-қимыл аппаратының аурулары – сколиоз және басқа да омыртқа қисықтықтары, әсіресе жасөспірімдер арасында кең таралған;

Психикалық денсаулық мәселелері – жасөспірімдер арасында депрессия, мазасыздық және өзге де психикалық бұзылулар көбейіп келеді;

Вакцинациямен алдын алуға болатын жұқпалы аурулар – тиісті екпелердің жетіспеуі белгілі бір инфекциялардың таралуына әкелуі мүмкін.

Ведомствоға бұған әсер ететін негізгі факторларды атады.

Экологиялық жағдай – ауаның, судың және топырақтың ластануы респираторлық аурулардың көбеюіне себеп болады. Мұндай көріністер көбіне ірі өнеркәсіп ошақтары шоғырланған аймақтарда тіркеледі;

Өмір салты – қимыл-қозғалыстың аздығы, гаджеттерді шамадан тыс қолдану, отырықшы өмір сүру салты семіздік пен тірек-қимыл жүйесінің ауруларына себеп;

Дұрыс тамақтанбау – диета құрамында дәрумен мен минералдардың жетіспеушілігі, фаст-фудтың артық мөлшері әртүрлі ауруларды қоздырады;

Төмен вакцинация деңгейі – бұл алдын алуға болатын жұқпалы аурулардың өршу қаупін арттырады;

Әлеуметтік-экономикалық жағдай – отбасының табыс деңгейі, сапалы медициналық көмек пен білімге қолжетімділік те баланың денсаулығына тікелей әсер етеді.