Қазақстанда медициналық жабдықтар өндірісі іске қосылуы мүмкін

Президент General Electric International Markets компаниясының аға вице-президенті Набил Хабайебпен кездесті, деп хабарлайды BAQ.KZ.

Копорация Қазақстанға медициналық жабдықтар өндірісін көшіруге ниетті, атап айтқанда УДЗ және КТ аппараттарын шығаратын жаңа өндірістік желіні іске қосу жоспарланып отыр.

Сондай-ақ Мемлекет басшысы ExxonMobil корпорациясының аға вице-президенті Нил Чепманмен еліміздің көмірсутек секторындағы бірқатар жобаларды іске асыру барысын талқылады.

Кездесуде Қашаған кен орнында толық ауқымды өндірісті қайта бастау мерзімдерін талқылады.