Қазақстанда ең көп ер адам Түркістанда тұрады

Ұлттық статистика бюросының мәліметінше, 2023 жылдың басында халық саны 19 766 мың адам болса, оның 9 647 мыңы – ер адамдар, деп хабарлайды BAQ.KZ.

0-14 жас аралығындағы ер балалар саны 3 млн болса, 15-62 жас аралығындағы ерлер саны – 5 876 мың, ал 63 жастан жоғары зейнеткер саны – 767 мың.  

Өңірлер бөлінісінде ерлердің саны Түркістан облысында көп – 1 079 мың, ал ең азы Ұлытау облысында – 108 мың.  

Жұмыспен қамтуға келетін болсақ, ерлердің көпшілігі өнеркәсіп саласында қызмет етеді – 16,8%, көтерме және бөлшек сауда, автожөндеу саласында 14%, тағы 14% ауыл, орман және балық шаруашылығында еңбек етеді.  

Ерлердің күтілетін өмір сүру ұзақтығы – 70,2 жыл. Орташа жасы – 30,5 жас. Некеге тұрған ерлердің орташа жасы – 28 жас.