«Қазақстан темір жолы» ғимаратынан қызметкерлер эвакуацияланды

Астананың сол жағалауында орналасқан «Қазақстан темір жолы» ұлттық компаниясының 3600 қызметкері эвакуацияланды, деп хабарлайды BAQ.KZ.

Компанияның баспасөз қызметінің мәліметінше, бұл жоспарлы ірі ауқымды өрт-тактикалық оқу-жаттығуы болды. Мұндай шаралар үш жылда бір рет өткізіліп, төтенше жағдайларға жедел ден қою деңгейін тексеруге мүмкіндік береді.

Оқу-жаттығу барысында:

• Жоғарғы қабаттардағы адамдарды эвакуациялау үшін көтергіш механизмдер қолданылды;
• Ғимараттың барлық қауіпсіздік жүйелері тексерілді;
• Өрт дабылы, түтін шығару және автоматты өрт сөндіру жүйелерісыналды.

Шартты өртті сөндіруге 14 бірлік арнайы техника, оның ішінде 10 негізгі және 4 қосалқы көлік, сондай-ақ Астана ТЖД жеке құрамы жұмылдырылды.

Барлық белгіленген міндет толық орындалды. Ұйымдастырушылардың айтуынша, оқу-жаттығу төтенше жағдайлар кезінде компанияның қауіпсіздік жүйелерінің тиімділігін тексеруге және қызметкерлердің эвакуациялау тәртібін үйренуіне көмектесті.