Қазақстан Қытайдың VI халықаралық импорт көрмесіне құрметті қонақ ретінде қатысады

Қазақстан Қытайда өтетін VI халықаралық импорт көрмесіне құрметті қонақ ретінде қатысады, деп хабарлайды BAQ.KZ «Халық онлайн» газетіне сілтеме жасап.

Қытайдың Сауда вице-министрі Шэн Цюпиннің мәліметінше, Қытайдың алтыншы халықаралық импорт көрмесіне 154 ел мен халықаралық ұйымнан қонақ келеді.

Көрмеге 3 400-ден астам жәдігер мен 394 000 кәсіби келуші тіркелген. Іс-шара толығымен офлайн форматта өтеді.

Әлемдегі 500 ірі компания мен саланың 100-ден астам жетекші компанияларының жаһандық штаб-пәтерлерінің басшылары Қытайдың алтыншы халықаралық импорт көрмесіне келетіні расталып, рекордтық деңгейді көрсетті, - деп жазды қытайлық БАҚ.

Көрме 5-10 қараша аралығында өтеді. Қатысушы елдер бес құрлықты қамтиды. 69 ел мен 3 халықаралық ұйым көрмеге қатысатынын растады. 

Олардың ішінде Қазақстан, Гондурас, Сербия, Оңтүстік Африка, Вьетнам сияқты 5 ел құрметті қонақ ретінде қатысады.