Қазақстан құрамасы таеквондодан Diamond game 2025 турниріне қатысады

11-13 шілде аралығында Оңтүстік Кореяның Муджу қаласында "World Taekwondo Diamond Game 2025" халықаралық турнирі өтеді, деп хабарлайды BAQ.KZ.

Турнир G-4 санатына жатады және Дүниежүзілік таеквондо федерациясының ресми күнтізбесіне енгізілген. Бұл жарыс спортшыларға рейтингтік ұпай жинауға мүмкіндік береді.

Қазақстан құрамасы атынан өнер көрсететін спортшылардың тізімі төмендегідей:

• 57 келіге дейін: Альмира Қанат;
• 67 келіге дейін: Аяулым Асқар, Аида Тәукенова;
• 68 келіге дейін: Нұрбек Ғазез;
• 80 келіге дейін: Ергеш Бекасыл.

Командалық және аралас командалық сайыста сынға түсетіндер: Мерген Ғаниев, Абдурахмон Марипов, Кәмила Аймұқашева, Аида Тәукенова.