Қазақстан құрамасы әлем чемпионатына іріктеуді жеңіспен аяқтады

Футзалдан Қазақстан ұлттық құрамасы 2024 жылғы әлем чемпионатының элиталық іріктеу матчында Румынияны 2:0 есебімен жеңді, деп хабарлайды BAQ.KZ.

Есепті ойынның 7-ші минутында Шыңғыс Есенаманов ашты. Екінші таймда Біржан Оразов екінші голды соғып, қорытынды есепті тіркеді.

Осылайша, Қазақстан құрамасы 2024 жылғы әлем чемпионатының іріктеу кезеңінің элиталы раундындағы барлық матчында жеңіске жетті.

Айта кетейік, өткен турда Каканың шәкірттері келер жылы өтетін әлем чемпионатына уақытынан ерте жолдамаға ие болды.