Қазақстан пияз экспортын тоқтатты

Сыртқы сауда саясаты және экономикалық ұйымдарға қатысу мәселелері жөніндегі ведомствоаралық комиссия пияз экспортына 3 ай мерзімге тыйым салу туралы шешім қабылдады, деп хабарлайды BAQ.KZ  Ауыл шаруашылығы министрлігінің баспасөз қызметіне сілтеме жасап.

Бұл пияздың Қазақстаннан жаппай шығарылуын болдырмау және оның бағасын тұрақтандыру үшін жасалды.

 Айта кетейік, Қазақстанның оңтүстік өңірлерінде, сондай-ақ Өзбекстанда өнімнің қатты аязда үсіп кетуі оның құнына қосымша салмақ болып отыр. 

Елімізде пияздың бір келісі көтерме бағада 150-170 теңгеден сатылып жатыр, ал көршілес Ресей мен Өзбекстанда 240 теңге көлемінде тұрады.