Қазақстан-Өзбекстан өткізу пункттері тәулік бойы жұмыс істейтін болады

Мәжіліс Қазақстан мен Өзбекстан үкіметтері арасындағы мемлекеттік шекара арқылы өткізу пункттері туралы келісімге өзгерістер мен толықтырулар енгізу туралы хаттаманы ратификациялады.

Хаттамаға сәйкес, «Сырдария – Мәлік» және «Целинный – Оқ олтин» өткізу пункттерінің мәртебесі өзгереді. Олар екіжақты санаттан халықаралық санатқа ауыстырылады.

Сондай-ақ олардың жұмыс режимі де өзгереді. Бұрын тек күндізгі уақытта жұмыс істесе, енді тәулік бойы жұмыс істейтін болады.

Ратификацияланған өзгерістер шекаралық пункттердің өткізу қабілетін арттыруға және Қазақстан мен Өзбекстан арасындағы транзиттік-көліктік әлеуетті дамытуға бағытталғаны аталып өтті.