Қазақстан мен Ресей шекарасындағы өткізу пункті жұмысын қайта бастады

Қостанай облысында Ресеймен шекарадағы "Желқуар" өткізу пункті жұмысын қайта бастады, деп хабарлайды BAQ.KZ Қазақстанның ұлттық қауіпсіздік комитетіне сілтеме жасап.

Шекара қызметі 27 сәуір сағат 18:00-ден бастап Қостанай облысындағы Қазақстанның мемлекеттік шекарасы арқылы "Желқуар" автомобиль өткізу пунктінің жұмысын қайта бастағаны туралы хабарлайды, - делінген комитет хабарламасында.

Қостанай облысында Ресеймен шекарадағы "Желқуар" өткізу пункті су тасқынына байланысты жабылған болатын.