Қазақстан мен Қытай Қорғаныс министрлері кездесті

Тараптар екіжақты әскери ынтымақтастықтың қазіргі жағдайы мен перспективаларын талқылады, деп хабарлайды BAQ.KZ.

Үндістан астанасы Нью-Делиде Шанхай Ынтымақтастық Ұйымына мүше мемлекеттер қорғаныс министрлерінің кезекті кеңесі өтіп жатыр. Іс-шара аясында Қазақстанның Қорғаныс министрі генерал-полковник Руслан Жақсылықов Қытай Халық-азаттық армиясының Қорғаныс министрі генерал-полковник Ли Шанфумен кездесті.

Тараптар екіжақты әскери ынтымақтастықтың қазіргі жағдайы мен перспективаларын талқылады.