Қазақстан мен Пәкістан білім саласындағы ынтымақтастықты дамытуда

Қазақстанның Пәкістандағы Елшісі Ержан Қыстафин Пәкістанның Жоғары білім комиссиясының (ЖБК) төрағасы Мұхтар Ахмедпен кездесу өткізді, деп хабарлайды BAQ.KZ.

Қазақстан мен Пәкістан арасындағы ынтымақтастықты нығайту және әртараптандыру бойынша жүргізіліп жатқан жұмыстар аясында Е. Қыстафин білім беру саласын ерекше атап өтті.

Елші екі елдің жоғары оқу орындарының өзара іс-қимылын орнату бойынша қабылданып жатқан шараларға тоқталып, бұл жұмысқа Қазақстан мен Пәкістан уәкілетті ведомстволарын тартудың орындылығын айтты.

ЖБК басшысы Пәкістан үкіметінің шетелдік серіктестермен өзара іс-қимылдың сапасын жақсартуға және жолға қоюға бағытталған жоғары білім беру саласындағы саясаты туралы хабардар етті.

М. Ахмедтің пікірінше, университеттер арасындағы ынтымақтастық ғылым саласындағы серіктестікті сапалы жаңа деңгейге көтеруге, бірлескен ғылыми жобаларға да ықпал ете алады.