Қазақстан курсанттары информатикадан халықаралық олимпиадада 3-орын еншіледі

Ресейдің Санкт-Петербург қаласында информатика пәнінен ТМД-ға мүше мемлекеттер әскери жоғары білім беру ұйымдары курсанттарының VIII Халықаралық олимпиадасы аяқталды, деп хабарлайды BAQ.KZ.

Радиоэлектроника және байланыс әскери-инженерлік институтының курсанттары жоғары деңгейде техника тілінде бағдарламалық жасақтауға және командада жұмыс істеуге байланысты түрлі міндеттерді шешу бойынша жарыста Өзбекстаннан келген бағдарлама жасақтаушылардан озып, үшінші орынға ие болды.

Бірінші турда зерделі қауым күрделілік деңгейі әр қилы мәселелерді шешумен айналысты. Екіншісінде олар әртүрлі техникалық сипаттамаларды енгізе отырып, теңіз флотының мәліметтер базасына кіріспелер жазды. Үшіншіден, олар мәліметтер базасы және әртүрлі ақпаратты енгізу мүмкіндігі бар бағдарлама жасақтады.

Зияткерлік сыннан басқа, команда тағы бір қиындыққа тап болды: олимпиадада пайдаланылатын операциялық жүйе Қазақстандағы курсанттар оқитын жүйеден басқаша екен. Осыған қарамастан, мұқият дайындық, жаңа жағдайда тез бейімделу және қайта құру қабілеті курсанттарға тапсырмаларды сәтті орындауға көмектесті, – деп атап өтті команда жетекшісі, ақпаратты қорғау кафедрасының аға оқытушысы майор Виктор Федоров.

Осылайша қазақстандық команда ақпараттық технологиялар саласындағы курсанттарды даярлау деңгейінің жоғары екенін дәлелдеді. Жарыс жеңімпаздары кубоктармен, бағалы сыйлықтармен және грамоталармен марапатталды.