Қазақстан хоккейден әлем чемпионатын өткізуге өтініш берді

Қазақстан 2027 жылы хоккейден әлем чемпионатын өткізуге өтінім берді, деп хабарлайды BAQ.KZ.

Халықаралық хоккей федерациясының хабарлауынша, ұйым Германия, Қазақстан және Норвегиядан 2027 жылғы хоккейден әлем чемпионатын өткізуге өтінімхат алған.

Германия мен Норвегияға қарағанда, Қазақстан бұрын-соңды жоғары деңгейде шайбалы хоккейден әлем чемпионатын өткізбеген. Бірақ, ХХФ атап өткендей, ҚР өтінімінде екі ірі нысан бар: Астанада 11 мың 400 орынға арналған "Барыс Арена" және Алматыда 12 мың 500 орынға арналған "Алматы Арена". 

"Барыс Арена" 2019 жылы шайбалы хоккейден әлем чемпионатын қабылдады, I дивизион, А тобы. "Алматы Арена" 2017 жылғы қысқы Универсиадада ашылды, онда хоккей турнирлері өтті.

Енді үш үміткер алдағы айларда тендерлік жобаның егжей-тегжейлі жоспары бойынша жұмыс істейді, содан кейін IIHF штаб-пәтерінде тендерлік ұсыныстың тұсаукесері және объектіге бару шарасы өтеді. Шайбалы хоккейден 2027 жылғы әлем чемпионаты қайда өтетіні 2023 жылдың мамыр айының соңында белгілі болады.