Қазақстан ЕО елдеріне күнбағыс экспорттаудан бестікте

Алматыда май және тоң май өнеркәсібінің көшбасшылары бас қосты, деп хабарлайды Алматыдағы BAQ.KZ тілшісі.

Мамандардың айтуынша, Қытай бағытындағы май өнімдерінің экспорты тұрақты өсіп жатыр.

2023 жылы ЕО-ға мұнай және тоң май өнімдерінің экспорты екі есеге жуық өсіп, 146 мың тоннаны құрады, валютадағы өсім 47%, 47 млн доллар болған. Сондай-ақ, 2023 жылы 62%-ға өсіп, 199 мың тоннаны құраған Қытай бағытындағы май өнімдерінің экспорты тұрақты өсіп жатыр. Қауымдастықтың болжамы бойынша, өсімдік майлары мен ақуызы жоғары жемшөптердің Қытайға экспорты 2026 жылға қарай 3 300 млн АҚШ долларына жетеді,- дейді Қазақстанның майлы дақылдарды өңдеушілер ұлттық қауымдастығының төрағасы Ядыкар Ибрагимов.

Ол сондай-ақ, Қазазақстанның Орталық Азияның күнбағыс майына деген қажеттілігін толығымен өтей алатынын атап өтті.

Орталық Азиядағы халықтың жыл сайынғы өсуін ескере отырып, күнбағыс майына деген қажеттілік тек арта түседі және Қазақстан осы өңірде осы әлеуметтік маңызы бар өнімді жеткізуде шешуші рөл атқара алады. Мысалы, Тәжікстанда 2022 және 2023 жылдары Қазақстанның өсімдік майын жеткізудегі үлесі 70%-ға дейін өсті, осылайша Ресей жетекші орыннан ығыстырылды. Сондай-ақ, Өзбекстан мен Ауғанстан нарықтарына май өнімдерін жеткізу үлесі артып келеді. Осылайша, орта мерзімді перспективада Қазақстан мүдделі министрліктердің дұрыс құрылымдаған сыртқы сауда қызметі арқылы Орталық Азияның күнбағыс майына деген қажеттілігін толығымен өтей алады,- дейді Қазақстанның майлы дақылдарды өңдеушілер ұлттық қауымдастығының төрағасы Ядыкар Ибрагимов.