Қазақстан 6 жылда шетелдік легионерлерге қанша ақша жұмсады
Мәжіліс кулуарында Сыбайлас жемқорлыққа қарсы іс-қимыл агенттігі төрағасының бірінші орынбасары Ұлан Сарқұлов легионерлерге жұмсалған қаражат туралы айтты, деп хабарлайды BAQ.KZ тілшісі.
“Астана” футбол клубына шамамен 50 млрд теңге бөлінді, оның 60-70 пайызы 2-3 маусым ойнаған шетелдік легионерлердің жалақысына кетті. “Барыс” хоккей клубына 49 млрд теңгеге жуық қаржы бөлінді, оның басым бөлігі де шетелдік спортшылардың жалақысына жұмсалды, - деді ол.
Антикор өкілі Мәжілісте журналистердің сұрағына жауап бергенде көптеген легионердің командалардан баяғыда кеткенін және клубтардың рейтингі төмендеп бара жатқанын айтты.
Біз қаражатты әлдеқайда ұтымды пайдалануға болар еді деп ойлаймыз. Мысалы спорт инфрақұрылымын дамытуға инвестиция салып, балалар мен жастардың білім алуына жағдай жасауға болар еді. Өйткені, өскелең ұрпақтан кәсіби футболшылар, хоккейшілер және болашақта елді жоғары деңгейде көрсете алатын басқа да спортшылар өсіп келеді, – дейді Ұлан Сарқұлов.