Қайрат Рахымов Энергетика вице-министрі қызметінен босатылды

Нұр-Сұлтан, BAQ.KZ. Қазақстан Республикасы Үкіметінің қаулысымен Қайрат Болатұлы Рахымов энергетика вице-министрі қызметінен босатылды. 

Бұл туралы Премьер-министрдің баспасөз қызметі хабарлады.

Қайрат Рахымов 1985 жылы Қарағанды қаласында дүниеге келген.

Қарағанды мемлекеттік техникалық университетін, Қазтұтынуодағы Қарағанды экономикалық университетін және Сеул ұлттық университетін бітірген. 

2007-2015 жылдары Табиғи монополияларды реттеу агенттігінде, Энергетика министрлігі мен Индустрия және жаңа технологиялар министрлігінде сарапшы, бас сарапшы, басқарма басшысы болды.

2015 жылдан 2020 жылға дейін —  Энергетика министрлігінде басшылық лауазымдарды атқарды.

2020 жылғы ақпан айынан бастап қазіргі уақытқа дейін  Энергетика вице-министрі қызметін атқарды.