Қай елден қандастар көп келеді?

1 қазандағы жағдай бойынша 13 362 этникалық қазақ тарихи отанына оралып, қандас мәртебесін алды, деп хабарлайды BAQ.KZ.

1991 жылдан бастап республикаға барлығы 1 млн 101,2 мың этникалық қазақ оралды.

Осы жылдың басынан бастап Қазақстанға келген қандастардың жартысынан астамы (68,7%) Өзбекстаннан, 10% – ҚХР-дан, 7,9% – Түркіменстаннан, 4,6% – Моңғолиядан және 8,8% - басқа елдерден.

Келген этникалық қазақтар негізінен Алматы (29,9%), Маңғыстау (16,7%), Түркістан (9%) және Жамбыл (6,5%) облыстарында, сондай-ақ, Астана (7,8%), Шымкент (7,3%) және Алматы (5,8%)қалаларында қоныстанды.

Осы жылғы 1 қазандағы жағдай бойынша еңбекке қабілетті жастағы этникалық қоныс аударушылардың саны 58,9%-ды, еңбекке қабілетті жастан кіші адамдар 27,5% - ды және зейнеткерлер 13,7%.

Еңбекке қабілетті жастағы қандастардың білім деңгейі бойынша 13,2% - ы жоғары білімді, 38,9% - ы арнайы орта білімді, 46% - ы жалпы орта білімді және 1,8% - ының білімі жоқ.