Қасым-Жомарт Тоқаев Швеция халқына ізгі тілегін жеткізді

Мемлекет басшысы Швеция Королі XVI Карл Густавты Ұлттық күнмен құттықтады.

Бұл туралы Ақорда мәлімдеді.

Қасым-Жомарт Тоқаев хатта аталған елдің орнықты даму, инновацияларды енгізу және халықаралық ынтымақтастықты кеңейту бағыттарында тамаша табысқа қол жеткізгенін атап өткен.

Сондай-ақ Президент жоғары деңгейдегі Қазақстан-Швеция қарым-қатынасы қос халықтың игілігі жолында алдағы уақытта да нығая беретініне сенім білдірді, - делінген хабарламада.

Мемлекет басшысы Швеция Королі XVI Карл Густавқа және достас швед халқына құт-береке тіледі.