Қарасайда дәрігерлер алғаш рет ұйқы артериясына ота жасады
Қарасай клиникалық көпбейінді орталық ауруханасына 28 жастағы әйел қатты бас ауруы шағымымен түскен, деп хабарлайды BAQ.KZ.
Магниттік-резонанстық томографияда пациенттің оң жақ ішкі ұйқы артериясының 6х5.5 мм офтальмиялық сегментінің қапшық аневризмасы анықталды.
Дәрігерлер операциялық араласу қажеттілігі туралы шешім қабылдады.
Әйелге стенттік ассистенцияны қолдана отырып, аневризманы эмболизациялау операциясы жасалды. Бұл жарақаты аз нейрохирургиялық ем-шара, оның барысында зақымдалған тамырдың тесігі арнайы материалдың көмегімен жабылады. Осының арқасында пациенттің неврологиялық симптомдарды тоқтатылды.
АОА-да қанайналым жүйесі ауруынан, атап айтқанда инсульттан болатын өлімді азайту бағдарламасын толыққанды іске асыру өңірлерде пациенттердің өмірін сақтап қалатын және еңбекке қабілеттілігін қайтаратын заманауи операциялық араласуларды енгізуге мүмкіндік береді.
Денсаулық сақтау министрлігі инсульт өлімінің жетекші себептерінің бірі және бүкіл әлемдегі пациенттер мүгедектігінің бірінші себебі болып табылатынын еске салады. Инсульттің жедел кезеңіндегі негізгі емдеу әдісі - аз инвазивті жоғары технологиялық эндоваскулярлық емдеу болып табылады. Мұндай операцияларға жыл сайынғы қажеттілік артып келеді.
Алматы облысында екі жылдың ішінде миішілік гематомаларды жою, созылмалы гематомаларды сыртқы дренаждау сияқты ашық тәсілмен инсульт кезінде 115 хирургиялық араласу орындалды.