Қарақұйрықты атқан браконьерлер ұсталды

Нұр-Сұлтан, BAQ.KZ. Жамбыл облысында қарақұйрықты заңсыз атқандар ұсталды, деп хабарланды Экология министрлігінің facebook-тегі парақшасында.

Жамбыл облысы Байзақ ауданының аумағында «Охотзоопром» ӨБ бірлескен іс-шара барысында 2020 жылдың тамыз айының 26 күні Байзақ ауданына қарасты «Есқара» құм өңірінен жол талғамайтын «Тойота» автокөлігінің ізіне түсіп, түнгі сағат 5 шамасында көлікті тоқтатып тексеру барысында Қазақстан Республикасының «Қызыл кітабына» енгізілген 2 қарақұйрық аңын заңсыз атқан Байзақ ауданының екі азаматы ұсталды, - делінген хабарламада.

ҚР ҚК-нің 337-бабы бойынша қылмыстық іс қозғалды. Қазіргі таңда ұсталған азаматтарға қатысты Байзақ аудандық ІІО полиция қызметкерлері тергеу амалдарын жүргізуде.