Қарағандыдағы ферроқорытпа зауытында төтенше жағдай болды

Бүгін сағат 04:10-да YDD Corporation ферроқорытпа зауытында штаттан тыс жағдай болды. Сегіз жұмысшы әртүрлі дәрежеде жарақат алды, деп хабарлайды BAQ.KZ.

Кәсіпорынның баспасөз қызметі №1 пеште кенеттен жалын шыққанын нақтылайды.

Қазіргі уақытта зардап шеккен барлық жұмысшы ауруханада, оларға шұғыл медициналық көмек көрсетіліп жатыр, – деп хабарлады YDD корпорациясы.

Компания зардап шеккендерге барлық көмек көрсетілетінін әрі ауруханамен тұрақты байланыста екендерін де жеткізді.