Қарағандыда ерекше балаларға арналған заманауи оңалту орталығы ашылды

Қарағанды облыстық балалар клиникалық ауруханасында 3 айдан 3 жасқа дейінгі дамуында ерекшеліктері бар балаларға арналған оңалту орталығы ашылды, деп хабарлайды BAQ.KZ.

Қазіргі уақытта орталықта жүйке жүйесінің патологиясы бар науқастар, ең алдымен церебральды сал ауруы бар науқастар ем ала алады. Облыста мұндай балалар саны мыңға жуық.

Орталық бір уақытта 50 науқасты қабылдауға дайын. Жылына 600 бала медициналық көмек алады.

Жаңа орталықтың құрамына тәулік бойы және күндізгі төсектері бар оңалту бөлімшесі, сондай-ақ балаларды сауықтыруға арналған "Қамқорлық" орталығы кіреді. Жабдықтардың барлы ең заманауи – шунгит және сенсорлық бөлмелер, тұз шахтасы, иммерсиялық ванна, интерактивті үстел, ортопедиялық үстелдер мен орындықтар, жаяу жүруді имитациялайтын пневмо ұлтарақтары бар етік, иппотерапия аппараты. Екі жаттығу залында балалармен жеке сабақтар өтеді. Балаларды еңбектеуге, отыруға және жүруге үйретеді, – деді облыстық балалар ауруханасы директорының медициналық бөлімінің орынбасары Нина Деркач.

Жоғары дәрежелі реабилитологтар, логопедтер, психологтар, дефектологтар, кәсіби терапевтер және жаттығу терапиясы мамандары жалданды.

Емдеу курсы орта есеппен 21 күнге созылады. Балалар МӘМС жүйесі бойынша тегін ем алады.

Жыл соңында орталықта 3 жастан 18 жасқа дейінгі балаларға арналған тағы бір оңалту бөлімшесін ашу жоспарлануда.