Қарағандыда баланың үстіне бағана құлады

Нұр-Сұлтан, BAQ.KZ. Қарағандыда орталық саябақта велосипед мінген ер баланың үстіне жарық бағанасы құлады, деп хабарлады EKaraganda.

3 маусымда сағат 12.35-те орталық саябақта велосипедпен жүрген он жасар баланың үстіне жарық бағанасы құлады. Салдарынан ол медициналық мекемеге жеткізілді, - деді Қарағанды облысы полициясының баспасөз қызметі.

Денсаулық сақтау басқармасы зардап шеккен баланың жағдайына қатысты ақпарат берді. Дәрігерлердің айтуынша, оған «Жабық бас сүйек-ми жарақаты. Мидың шайқалуы» диагнозы қойылған.

Қажетті ем-дом жасалғаннан кейін бала үйіне жіберілген.

Бұл фактіні полиция тіркеді, оқиғаның мән-жайы анықталып жатыр.