Қарағанды облысында адасып кеткен шопан табылды

Желтоқсанның 31-і күні сағат 21:17-де Ақтоғай ауданындағы 70-ші разъездте шопан жоғалып кетті деген хабар келіп түскен, деп хабарлайды BAQ.KZ.

 1973 жылы туған ер адам таңертең мал іздеп шығып, қайтып оралмаған. Іздеу-құтқару тобы жоғалған адамды қыстақтан 10 шақырым жерден тапты. Қойшы ауа-райының қолайсыздығынан бағдарынан айырылып қалған екен. Құтқарылған адамға медициналық көмек қажет болмады.

Жаңа жыл қарсаңында Ақтоғай ауданында тағы бір құтқару операциясы жүргізілді.

1 қаңтар күні сағат 01:30-да Балқаш көлінде Қарағанды ​​облысы Төтенше жағдайлар департаментінің күштері Тораңғылық ауылынан оңтүстік бағытта көлікпен шығып қайта оралмаған 2 балықшыны іздеуге кірісті. Сағат 03:30-да құтқарушылар балықшыларды сынған көлікпен жағалаудан 26 шақырым жерде тапты. 05:55-те ер адамдар жағаға шығарылды, оларға медициналық көмек қажет болмады.

Қарағанды ​​облысының аумағында дауылды ескерту жарияланды!Ауа-райының нашарлауы кезінде, әсіресе түнде ұзақ қашықтыққа сапарлар мен серуендерді шектеу қажеттігін ескертеміз. Жолға шықпас бұрын көліктің техникалық жарамдылығын тексеру, ауа райы болжамы мен дауылды ескертулер туралы ақпаратты қадағалау қажет. Оқиғалар мен төтенше жағдайлардың барлық фактілері туралы телефон арқылы қоңырау шалыңыз
112 немесе 8 (7212) 433636, 433737.