Қар-мұз патшалығы: Қытайда ең үлкен қысқы саябақ ашылды

Қытайдың Харбин қаласында әлемдегі ең үлкен қар-мұз саябағы ресми түрде ашылды, деп хабарлайды BAQ.KZ.

Жэньминь жибао газетінің хабарлауынша, қар-мұз әлемі тақырыбы 2025 жылғы қысқы Азия ойындарына арналған.

Жалпы жоспарланған аумақ 1 миллион шаршы метр. Ал пайдаланылған қар-мұздың көлемі 300 000 текше метрге жетті. Бұл тарихтағы ең жоғары көрсеткіш.

Саябақта тоғыз негізгі бөлімше аумақ бар. “Азия бірлікте” бас мұнарасы сынды бірқатар көрнекті ландшафт қар-мұз түрінде бейнеленген. Бұл Азия ойындары кеңесінің мүшесі болған 42 елдің және 3 аймақтың ерекшеліктерін көрсетеді.