Путин Астанаға ресми сапармен келді

Ресей басшысы Владимир Путин Астанаға ресми сапармен келді, деп хабарлайды BAQ.KZ.

Мемлекет басшысы Қасым-Жомарт Тоқаев Қазақстанға ресми сапармен келген Ресей Президентін елорда әуежайында қарсы алды.

Сапар барысында екі ел басшылары Қазақстан мен Ресей арасындағы стратегиялық серіктестіктің өзекті мәселелерін талқылайды деп жоспарланып отыр.

Келіссөз шағын және кеңейтілген құрамда өтеді.

Бұдан бөлек, президенттер Қостанайда өтетін Қазақстан мен Ресейдің XIX Өңіраралық ынтымақтастық форумына бейнебайланыс режимінде қатысады.