Президент Қазақстанның Жапониядағы жаңа елшісін тағайындады

Президент Қасым-Жомарт Тоқаев Қазақстанның Жапониядағы жаңа елшісін тағайындады, деп хабарлайды BAQ.KZ.

Бұл туралы Ақорда мәлімдеді.

Мемлекет басшысының Жарлығымен Ерлан Кеңесұлы Баударбек-Қожатаев Қазақстан Республикасының Жапониядағы Төтенше және Өкілетті Елшісі болып тағайындалды, ол Қазақстан Республикасының Грек Республикасындағы Төтенше және Өкілетті Елшісі лауазымынан босатылды, - делінген хабарламада.

Еске сала кетейік, бұған дейін Мемлекет басшысының Жарлығымен Сабыр Сайлаубекұлы Есімбеков Қазақстан Республикасының Жапониядағы Төтенше және өкілетті елшісі лауазымынан босатылған болатын.