Президент Молдова Президентімен, Литва Президентімен және Андорра Премьер-министрімен кездесті

Қасым-Жомарт Тоқаев БҰҰ Бас Ассамблеясы 77-сессиясының аясында Андорра Премьер-министрі Ксавьер Эспот Саморамен, Молдова Президенті Майя Сандумен және Литва Президенті Гитанас Науседамен кездесті. Бұл туралы BAQ.KZ БОРТ №1 Telegram-арнасына сілтеме жасап хабарлайды.

Айта кетейік, бүгін ел Президенті БҰҰ Бас Ассамблеясы 77-сессиясының аясында бірқатар екіжақты келіссөз өткізді. Атап айтқанда, Австрия Президенті Александр Ван дер Белленмен, Иордания Королі ІІ Абдалламен, Халықаралық Қызыл Крест комитетінің президенті Питер Маурермен, Еуропалық комиссия президенті Урсула фон дер Ляйенмен пікір алмасып, Қатар Әмірі Тамим бин Хамад Әл Танимен әңгімелескен еді.