Президент экономист Олжас Құдайбергеновті қабылдады

Нұр-Сұлтан, BAQ.KZ. Мемлекет басшысы экономист Олжас Құдайбергеновті қабылдады. Бұл туралы Ақорданың баспасөз қызметі хабарлады. 

Кездесу барысында стратегиялық жоспарлау, бағдарламалық құжаттарды әзірлеудің тиімділігі, мемлекеттік органдардағы бюрократиялық рәсімдерді қысқарту, сондай-ақ, Қазақстанның жинақтаушы зейнетақы жүйесін жаңғырту мәселелері талқыланды.

Қасым-Жомарт Тоқаев еліміздің экономикалық дамуының өзекті мәселелері бойынша нақты ұсыныс жасауды тапсырды.