Президент бір топ азаматты мемлекеттік наградамен марапаттады

Президент Қасым-Жомарт Тоқаев бір топ азаматты мемлекеттік наградамен марапаттады, деп хабарлайды BAQ.KZ Ақордаға сілтеме жасап.

Мемлекет басшысы еліміздің көлік саласын дамытуға, қатынас жолдарының инфрақұрылымын қалыптастыруға және жаңғыртуға қосқан елеулі үлесі үшін бір топ азаматты мемлекеттік наградамен марапаттады.

Олардың қатарында "Қазақстанның көлік саласының еңбек сіңірген қайраткері" құрметті атағы еңбек ардагерлері – Борис Исинамановқа, Владимир Аверкинге, Қанат Шайминге және Андрей Горватқа берілді.