Моңғолия президенті Баян-Өлгийге жұмыс сапарымен барды

Нұр-Сұлтан, BAQ.KZ. Моңғолия Президенті Халтмаагийн Баттулга бүгін жұмыс сапарымен Баян-Өлгий аймағында болды. Бұл туралы Президенттің баспасөз қызметі хабарлады.

Президент 2020 жылдың 18 – қыркүйекте Завхан аймағында, 19 қыркүйекте Увс аймағында халықпен кездескен еді.

Ал бүгін Баян-Өлгий аймақтық Музыкалы драма театрында аймақ халқымен кездесу өткізді. Сонымен қатар мемлекет басшысы көп балалы аналарды бірінші, екінші дәрежелі "Ана даңқы" орденімен марапаттады. Баян-Өлгий аймағында 550-ге жуық көпбалалы ана президент қолынан "Ана даңқы" орденін алды. Оладың 82-сі бірінші дәрежелі орденге ие болса, 466-сы екінші дәрежелі орденге ие болды.