Премьер-министрдің кандидатурасына кім ұсынылуы мүмкін? - Қошанов жауабы

Мәжіліс төрағасы Ерлан Қошанов жаңа Үкімет басшысы қашан ұсынылатынын айтты, деп хабарлайды BAQ.KZ тілшісі.

Жаңа Үкімет басшысын Amanat партиясы ұсынады. Қанша кандидатура ұсынасыздар? Қашан? - деп сұрады журналист Парламенттің бірінші сессиясынан соң.

Таяу күндері ұсынылады. Оны сол уақыты келгенде білесіздер. Қазіргі таңда ол мәселе толық шешімін таппады. Алдағы бір-екі күнде Президентке ұсыныс жасаймыз, - деп жауап берді Ерлан Қошанов.

Бүгін Парламентте Премьер-министр кандидатурасын Amanat партиясы ұсынатыны белгілі болды. 

Мәжілістің жалпы отырысынан кейін палата төрағасы Ерлан Қошанов журналистердің сұрағына жауап берді.