Португалия 4 күндік жұмыс аптасын енгізуден тәжірибе өткізеді

Португалия үкіметі 4 күндік жұмыс аптасын енгізу бойынша тәжірибе өткізбек. Бұл туралы Эль Паис ((El País)) басылымы жазды, деп хабарлайды BAQ.KZ.

Оның мәліметіне сәйкес, аталған жоба келер жылдың жазынан бастап жыл соңына дейін жүзеге асырылады. Бірақ бастамаға жергілікті компаниялар қазірден бастап өтінім бере алады.

Билік өкілдерінің айтуынша, жобаның мақсаты мекемелердің 4 күндік жұмыс аптасына ауысуға қаншалықты мүдделі екенін анықтау. Егер қатысушылар саны аз болса, үкімет бұл жобадан бас тартады.