Польшадағы отандастарымызды әкелетін екінші ұшақ Атыраудан жолға шықты

Алматы, BAQ.KZ. Польшадағы жерлестерімізді эвакуациялау бойынша екінші әуекемесі Атыраудан Катовице қаласына бет алды. Бұл туралы Азаматтық авиация комитеті хабарлады.

Қазақстан азаматтарын елге жеткізу бойынша екінші әуекемесі Нұр-Сұлтан уақытымен сағат 10.13 кезінде Атыраудан Катовице қаласына ұшып шықты,-делінген хабарламада.

Жоспар бойынша ұшақ Катовице әуежайына сағат 14.19 кезінде жету керек.

Кеше Украинада жүрген 175 отандасымыз Польша арқылы Алматыға жеткізілген еді. Бүгін Беларусиядағы Қазақстан елшілігі мәлімдеме жасап, украин-беларус шекарасында қазақстандық жүктасушыларға «жасыл дәліз» қамтамасыз етілетінін жеткізген болатын.