Польша карантиндік шектеулердің көбін алып тастайды

Нұр-Сұлтан, BAQ.KZ. Польшада наурыз айынан бастап коронавирустық пандемиямен күресу үшін енгізілген шектеулердің көпшілігі алынып тасталады. 

Бұл туралы елдің Премьер-министрі Матеуш Моравецкий мәлімдеді, деп жазады Covid-19 таралуына жол бермеу жөніндегі ВАК. 

Ол қоғамдық орындарда, дүкендерде және көлікте маска режимі міндетті болып қала беретінін айтты. 

Жеті күндік карантин де сақталады. Сонымен бірге мемлекеттік мекемелердің қызметкерлері қашықтан жұмыс жасау режимінен қайтадан жұмысқа оралады. Біз үлкен өзгерістерді ұсына алатынымызды көріп отырмыз, бірнеше ай бойы қолданыста болған шектеулердің едәуір бөлігін алып тастауға болады, деді ол. 

Польшаның Денсаулық сақтау министрлігінің басшысы Адам Недзельский шектеулерді жою туралы шешім 1 наурыздан бастап күшіне енетінін айтты. 

Ал Ресейде коронавирустың дельтакрон штамы әлі табылған жоқ, дейді Роспотребнадзор ЦНИИ эпидемиологиясының гендік инженерия және биотехнология ғылыми тобының жетекшісі Анна Черкашина. 

Оның айтуынша, жаңа штамның қауіптілігін бағалау үшін әзірге ақпарат жеткілікті емес. 

Әзірге Ресейде бұл "дельтакрон" нұсқасы табылған жоқ. Ол туралы деректер қауіпті ме деген сұраққа нақты жауап беруге әлі ерте, - деді А.Черкашина.