Полицияға 4250 рет қоңырау шалған тұрғын қамауға алынды

Жапонияның Абиго қаласының тұрғыны Юки Симидзу есімді тұрғын бірнеше мың рет көршілеріне жалған шағым жасап, полицияға қоңырау шалған, деп хабарлайды BAQ.KZ.

Japan Today басылымының мәліметінше, ер адам төменгі қабатта тұратын көршілерінің шулап, қоғамдық тәртіпті бұзатынына шағымданған.

46 жастағы ер адам бір жыл ішінде шұғыл қызметке 4250 жалған қоңырау жасаған.

Шақыртуға келген полиция қызметкерлері ешқандай шудың болмағанын анықтаған. Тек қана 14 ақпан күні тұрғын көршілеріне 14 рет шағым айтқан.

Ақыр соңында Симидзу тұратын пәтерге полиция қызметкерлері кезекшілікке тұрып, көршілері тарапынан ешқандай шудың жоқтығына көз жеткізген.

Жапониялық жалған қоңыраулармен құқық қорғау органдарының қызметіне кедергі келтіргені үшін қамауға алынды.

Еске салайық, елімізде де терроризм актісі туралы жалған ақпарат таратқандарға жауапкершілік қарастырылған.