Полицейлер жоғалған 13 бас жылқыны иесіне жеткізді

Нұр-Сұлтан, BAQ.KZ. Бәйдібек ауданының жергілікті тұрғыны жайылымда жүрген 13 бас жылқысын таба алмаған соң 102 нөміріне хабарласып, көмек сұраған. 

Бәйдібек АПБ қызметкерлері хабар түскен бетте жедел іздестіру шараларын бастап кетті. 

Тәртіп сақшылары аудан аумағын мұқият тексеріп, куәгерлерден жауаптар алды. 

Нәтижесінде 1 күн ішінде Шалдар ауылының оңтүстік беткейіндегі 4  шақырым жерде жайылып жүрген жылқылар табылды. Осылайша, жоғалған 13 бас жылқы өз иесіне тапсырылды. 

Тәртіп сақшылары жылқыларымды күн-түнге қарамастан іздестіріп, тауып берді. Олардың арқасында малым дін аман табылды. Полицейлердің шын мәнінде жедел қызмет ететініне көз жеткіздім. Рахмет сіздерге, - деді мал иесі.

Өз кезегінде облыс полицейлері мал жайылымында малдарды қараусыз қалдырмауға және ұқыпты болу керектігін айтады. Сондай-ақ мал тұрағының шаруашылық жайы мұқият бекітіліп, қажетінше ен салынып, таңбалануы тиіс. Мал қораларды да жақсылап қоршап, бекітіп, жарықтандырған жөн.