Петропавлда ЖЭО-2 құбырының опырылған сәті видеоға түсіп қалған

Нұр-Сұлтан, BAQ.KZ. Петропавлда ЖЭО-2 құбырының құлаған сәті Қизатов көшесіндегі пәтерлерінің бірінде орнатылған камераға түсіп қалған. Бұл туралы Петропавловск.news хабарлады.

Бұған дейін хабарлағанымыздай, құбырдың құлауының алдын ала себебі - қатты жел.

Еске салайық, құбыр 19 сағат 15 минутта құлады. Осыдан кейін алғашқы 5 жылыту қазандығы тоқтатылды.

Қазіргі уақытта бүкіл қала бойынша пәтерлердегі жылыту батареяларының температурасы төмендеген. Кей жерлерде ыстық су жоқ.

Әзірге зардап шеккендер туралы расталған ақпарат жоқ.