Педагогтарда жаңа лауазым пайда болады

Оқу-ағарту министрлігі педагог лауазымдарының тізіміне толықтырулар дайындады, деп хабарлайды BAQ.KZ.

Атап айтқанда, тізбеге педагог-кәсіптік бағдар беруші мамандығы қосылады.

Түсіндірілгендей, педагог-кәсіптік бағдар беруші лауазымын енгізу болашақ мамандықты саналы түрде таңдау үшін оқушыларды ерте кәсіптік бағдарлау бойынша жұмысты үйлестіру үшін қажет.

Құжат 8 сәуірге дейін ашық талқылау үшін "Ашық НҚА" сайтында орналастырылған.